(१) नगर परिषद्बाट स्वीकृत बजेट र कार्यक्रमको
सीमाभित्र रही निर्धारित कार्यमा खर्च गर्नु पर्नेछ ।
(२) सम्बन्धित बजेटभित्रको रकम खर्च गर्दा सचिवबाट स्वीकृत गराई खर्च गर्नु
पर्नेछ । स्वीकृत बजेटभित्र परेको तर कारणवश सचिवको स्वीकृति बिना खर्च गरेको
रकम निजले मनासिब ठानेमा पछि स्वीकृत गरी दिन सक्नेछ ।
(३) उपनियम (२) बमोजिम सचिवबाट स्वीकृत गराई खर्च गर्दा खर्चको बील
भरपाई सहित लेखा राख्नु पर्नेछ । बील भरपाई आउन नसक्ने काममा खर्च भएको
पा“चसय रुपैया“सम्मको फुटकर खर्च रकमको हकमा खर्च गर्ने कर्मचारीले प्रमाणित
गरी अधिकार प्राप्त अधिकारीबाट समर्थन गराउनु पर्नेछ ।
(४) विकास आयोजना तर्फ आयोजनाको सर्वेक्षण, डिजाइन, लागत अनुमान एवं
कार्यक्रम तयार गरी स्वीकृत गराई बजेटमा निर्धारित सीमाभित्र नियमानुसार खर्च गर्नु
र समयमै निर्धारित कार्यक्रम अनुसार मालसामानको उपलब्धि तथा प्राविधिक एवं
प्रशासकीय व्यवस्था मिलाई कार्य सम्पादन गर्नु सचिवको कर्तव्य हुनेछ । यस
सम्बन्धमा वाधा अड्काउ फुकाउन आवश्यक निकासा माग भएमा त्यसको निकासा
समयमै दिनु प्रमुखको जिम्मेवारी हुनेछ ।
(५) आफूले जिम्मा लिएको रकम र त्यसको हिसाब किताब बील भरपाई वा
प्रमाण आर्थिक प्रशासन शाखा प्रमुखद्वारा राख्न लगाउने उत्तरदायित्व सचिवको हुनेछ ।
(६) कुनै रकमको भुक्तानी दिंदा रीत पुगे वा नपुगेको जा“च गर्नु पर्नेछ । खर्च
भएको सबै रसिद, बील, भरपाईमा सिलसिलेवार नम्बर राखी आर्थिक प्रशासन
शाखाका प्रमुखले “भुक्तानी भएको” जनाउने छाप समेत लगाई दस्तखत गरी प्रमाणित
गर्नु पर्नेछ ।
(७) सचिवले आर्थिक कारोवार गर्दा आÇना मातहतका कर्मचारी उपर रेखदेख
पु¥याई नगद, मालसामान तथा अन्य सम्पत्तिमा कुनै किसिमको हिनामिना, हानी
नोक्सानी वा लापरवाही हुन नपाउने गरी सुरक्षित राख्न उचित प्रबन्ध गर्नु पर्नेछ ।
आपूmले गर्नु पर्ने काम आपूm मुनिका कर्मचारीद्वारा गराएमा पनि त्यस्तो कामप्रति
निजको उत्तरदायित्व कायम रहनेछ ।
(८) सचिवले तोकिएको समयमा लेखाका मासिक फा“टवारी सम्बन्धित निकाय
समक्ष पेश गर्नु पर्नेछ ।
(९) सचिवले सुम्पेको काम र आर्थिक कारोबारको लेखा राख्ने उत्तरदायित्व
बहन गरी आर्थिक कारोबारमा निजलाई मद्दत गर्न र प्रचलित कानून बमोजिम
निजको उत्तरदायित्वमा यस नियम बमोजिम रीत पुगे वा नपुगेको जा“च गरी हिसाब
किताब रीतपूर्वक राखी पेश गर्नु पर्ने निकायमा पेश गरी लेखापरीक्षण गराउने कर्तव्य
आर्थिक प्रशासन शाखा प्रमुखको हुनेछ ।
(१०) यस नियमावली र प्रचलित कानूनको प्रक्रिया नपुगेको कारोबारको आर्थिक
प्रशासन शाखा प्रमुखले भुक्तानी दिन वा भुक्तानीको निमित्त पेश गर्न वा भुक्तानीको
निमित्त सिफारिस गर्न हु“दैन । आर्थिक कारोवार सञ्चालन गर्न तथा भुक्तानी दिने
सम्बन्धमा सचिव र आर्थिक प्रशासन शाखा प्रमुख बीच मतभेद भएमा सचिवको
निर्णय अनुसार गर्नु पर्नेछ । यस्तो निर्णयको जानकारी आर्थिक प्रशासन शाखा प्रमुखले
नगरपालिका प्रमुख समक्ष निर्णय कार्यान्वयन भएको सात दिनभित्र लिखित रुपमा दिनु
पर्नेछ । नगरपालिका प्रमुखले पनि त्यस्तो जानकारी प्राप्त गरेको सात दिनभित्र
सम्बन्धित नगरपालिकाका एक सदस्य र आन्तरिक लेखा परीक्षणशाखाको शाखा
प्रमुख रहेको समितिबाट जा“चबुझ गराई नगरपालिका समक्ष प्रतिवेदन पेश गर्न
लगाउनु पर्नेछ । यसरी प्राप्त प्रतिवेदन उपर नगरपालिकाले सात दिनभित्र आवश्यक
कारबाही गर्नु पर्नेछ ।